გვიანი არასდროსაა, მთავარია დაიწყოთ ... შესაძლოა ახლა ვფიქრობთ რომ ბავშვის პირველი მნიშვნელოვანი მომენტები ყოველთვის გვემახსოვრება, თუმცა დრო თავისას შვება და 20, 30 წლის შემდეგ ფრაგმენტებად გვახსოვს ის წუთები, რომელთა დავიწყება სულაც არ გვინდა.ფოტოები... ბევრი ფოტოები, შესაძლოა გადატვირთული გრაფიკის და უდროობის გამო არ გქონდეთ დრო წეროთ ბევრი, მაგრამ მოგონების ფოტო და თუნდაც სულ მცირე წარწერა კარგი დასაწყისია.შეინახეთ პატარა დეტალები და ჩააკარით დღიურში : ბავშვის სამაჯური სამშობიაროდან, პირველი კულულები, ნახატები ბაღიდან, ბილეთები ბავშვთა სახალისო ღონისძიებებიდან, მოგზაურობებიდან...დაუწერეთ წერილები შვილს, გავა დრო და როცა უკვე ზრდასრულს პატარაობის წიგნს საჩუქრად გადასცემთ, ბევრჯერ იქნება მის ცხოვრებაში მომენტი, როცა ამ წერილებსა და მოგონებებში იპოვის მოტივაციას, სიყვარულს, კომფორტს და მზრუნველობას.აუცილებელი არაა შეიძინოთ კონკრეტული დღიური, მომავალში ბავშვისთვის მნიშვნელობა ექნება არა დღიურის ვიზუალს, არამედ იმ ძვირფას ემოციებსა და მოგონებებს, რომელსაც მშობლები შეუნახავენ, თუმცა, თუ მზა შაბლონი გირჩევნიათ, "პირველი წლები" 168 გამზადებული გვერდისგან და სასარგებლო მინიშნებებისგან შედგება, რაც გაგიმარტივებთ დღიურების წარმოების პროცესს.
39 thoughts on “როგორ ვაწარმოოთ ბავშვის მოგონებების დღიური”